Pages

... W E L C O M E   T O   P R A S A D ' s   W E B P A G E ...

Thursday, October 16, 2008

ಹೀಗೊಂದು ಸಂಜೆ ..


ಈ ಮಳಿಯೇ ಹೀಂಗೆ.. ಕೊಡಿ ತಂದ್ ದಿನ ಮಳಿ ಬತ್ತಿಲ್ಲೆ, ತರ್ದಿದ್ ದಿನ ಜೋರ್ ನೆರಿ. ಹೀಂಗೆ ಅಯಿತ್ ನಿನ್ನೆ. ಕೆಲ್ಸ ಮುಗ್ಸಿ ಕೆಳಗೆ ಬತ್ತೆ, ಎಂಥ ಹೇಳುದು.. ಕಪ್ ಕಟ್ಟಿ ಜೋರ್ ನೆರಿ ಹೊಯಿತಾ ಇತ್. ಆರ್ ಗಂಟಿಗೆಲ್ಲಾ ಒಂಬತ್ ಗಂಟಿ ಕಣಂಗ್ ಆಯಿತ್. ಮೊದಲೆಲ್ಲ ಮಳಿ ಅಂದ್ರೆ ಜಾಸ್ತಿ ತಲಿಬಿಸಿ ಮಾಡ್ಕಂತಿರ್ಲ. ಮಳಿ ಅಂದ್ರೆ ಒಂತರ ಖುಶಿ. ಆ ಮಳಿಯಂಗೆ ಡ್ರೈವ್ ಮಾಡುಕೇನೋ ಒಂತರಾ ಗಮ್ಮತ್. ರಸ್ತಿ ಬದಿಯಂಗೆ ಜನ ಆಚೆ ಈಚೆ ಹಾರುವರ್ ಯಾರು ಇರುದಿಲ್ಲ. ಈ ಬೈಕಿನರ್ ಎಲ್ಲ ಕಮ್ಮಿ, ಎಲ್ಲಾರು ಅಲ್ಲಿಲ್ಲ್ ಅಂಗಡಿ ಬದಿಯಂಗೆ ಕೂಕಂಡ್ ಮಳಿ ಬಿಡುದನ್ನೆ ಕಾಯ್ತಾ ಇರ್ತ್ರ್. ನಂದೆ ಕೆಲ್ಸ ಬಿಡುವತಿಗೆ ಮಳಿ ಬಂದ್ರೆ ಒಳ್ಳೆ ಖುಶಿ ಆಪುದ್.

ಆರೆ ಈ ಕೆಲು ದಿನದಿಂದ ನಮ್ ದಿನ ಸಮ ಇಲ್ಲ, ಕಾರ್ ಆಕ್ಸಿಡೆಂಟ್ ಆರ್ ಮೇಲೆ, ಸುಮಾರ್ ದಿನದಿಂದ ಬಸ್ಸಲ್ಲೇ ಬಪ್ಪುದ್. ಈ ಆಟೋದವರನ್ನ ಕಂಡ್ರೇ ನಂಗೆ ಆತಿಲ್ಲ. ಅವರು ಹೇಳು ರೇಟ್ ಕೆಂಡ್ರೆ ರಕ್ತ ಕೊದ್ದ್ ಹೊತ್ತ್. ಅವರ್ ಹೇಳು ಮಾತಿಗೆ ಇಚಾರ್-ಆಚಾರ್ ಇಲ್ಲ. ಅದಕ್ಕೆ ಯಾರ್ ಹಂಗ್ ಬೇಡ ಅನಳಿ ಬಸ್ಸಲ್ಲೇ ಬಪ್ಪುದ್. ಆರೆ ನಾನ್ ಇಪ್ಪು ಪ್ಲೇಸಿಗೆ ಸಮ ಬಸ್ ಇತ್ತನಳಿ ಮಾಡಿರ್ಯ? ಒಂದ್ ಬಸ್ ತಪ್ಪಿ ಹೋರೆ ಇನ್ನ್ ಒಂದ್ ಅರ್ಧ ಗಂಟೆ ಕಾಯಿಕ್.

ಮಳಿ ಏನ್ ನಿಲ್ಲು ಹಾಂಗೆ ಕಾಂತಿಲ್ಲಪ. ಇನ್ನ್ ಬಸ್ ಸ್ಟಾಂಡಿಗಾರೂ ಹೊಯಿಕಾಲೆ. ಇಲ್ಲ ಅಂದ್ರೆ ರಾತ್ರಿ ಇಲ್ಲೆ ಆಯಿಕಂಡ್ರೆ ಸೈ. ಈ ಮರ್ಲ್ ಮಳಿ ಬಿಡತ್ತ್ ಅಂದಳಿ ಹ್ಯಾಂಗ್ ಹೇಳುದ್. ಅದಕ್ಕೆ ಇನ್ನೇನ್ ಸ್ವಲ್ಪ ಸ್ವಲ್ಪ ಹನಿ ಹನಿ ಅಂಬತಿಗೆ ಹೊರ್ಟೆ. ಬಸ್ ಸ್ಟಾಂಡಿಗೆ ಬಂದ್ರೆ ಎಂತಾ ಹೇಳುದು, ಎಷ್ಟ್ ಹೊತ್ತಾರು ಒಂದ್ ಬಸ್ ಇಲ್ಲೆ. ಇವತ್ತ್ ಮಳಿ ಅಂದಳಿ ಆಟೊದರ್ ಎಲ್ಲ ಮನಸಿಗೆ ಬಂದಷ್ಟ್ ಹೇಳ್ತಾ ಇದ್ದಿರ್. ರಸ್ತಿ ಬದಿಯಂಗಾರು ನಿತ್ಕಂಬುಕ್ ಇತ್ತಾ? ಈ ಬಡ್ಡಿ ಮಕ್ಕಳ್ ನೀರ್ ಹಾರ್ಸ್ಕಂಡ್ ಹೋಪುದ್. ನಂಗತ್ತೂ ನಮ್ಮದ್ ಅಂದಳಿ ಒಂದ್ ಗಾಡಿ ಇಲ್ಲದಿರೆ ಹೆಂಗ್ ಆತ್ ಅಂದಳಿ ಗೊತ್ತಾಯಿತ್.

ಅತ್ ಕಾಂಬುದ್ ಇತ್ ಕಾಂಬುದ್, ಎಲ್ಲಾ ಬದಿಗ್ ಹೋಪ್ಯು ಬಸ್ ಬತ್ತ್, ಆರೆ ನಮ್ ಬದಿಗ್ ಹೋಪು ಬಸ್ ಇಲ್ಲಾ ಕಾಣಿ. ಸುತ್ತ ಮುತ್ತ ಇದ್ದರೇಲ್ಲ ಕೆಲುವರ್ ಸಾಯಿಲಿ ಇನ್ ಆಪುದಲ್ಲ ಅಂದಳಿ ಆಟೊ ಹಿಡ್ಕ ಹೋರೆ, ಇನ್ನ್ ಕೆಲುವರ್ ಬೈಕ್ ಅಡ್ಡ ಹಾಕಿ ಹೋರ್. ನಾನ್ ಮಾತ್ರ ಬಸ್ ಬರ್ಕ್, ನಾ ಮನಿಗ್ ಹೋಯಿಕ್ ಅಂದಳಿ ಗಟ್ಟಿ ಮಾಡ್ಕಂಡ ಕೂತಿದಿ.

ಅಂತು ಇಂತು ಒಂದ್ ಬಸ್ ಬಂತ್. ಅದನ್ನ ಕಂಡ್ರೆ ಹತ್ತು ಬಾಪ್ ಇಲ್ಲ. ಆರೆ ಮಳಿ ಎನ್ ಜಾಸ್ತಿ ಆದಂಗ್ ಇತ್ತಪ. ಇನ್ನ್ ಇಲ್ಲೆ ಕೂಕಂಡ್ರೆ ಇಲ್ಲೆ ಸ್ನಾನ ಆತ್ ಅಂದಳಿ ಹೆಂಗೋ ಅದ್ರೋಳಗೆ ತೂರ್ಕಂಡೆ. ಮನಿ ಬಂದ ಬೀಳುವತಿಗೆ ಅರ್ಧ ಜೀವ ಇಲ್ಲ. ಮೈ ಎಲ್ಲ ಒರ್ಸ್ಕಂಡ್, ಒಂದ್ ಕಟ್ಟಂಗೆ ಚಾ ಕುಡ್ದ್ರ್ ಮೇಲೆ ಸ್ವಲ್ಪ ಅಯ್ಯಬ್ಬ ಅಮಂಗ್ ಆಯಿತ್. ನಾಳೆಯಿಂದ ಕಾರ್ ವಾಪಸ್ ಬಪ್ಪಲ್ಲೊರಿಗೆ ಮಳಿ ಬಾರ್ಲಿ, ಬರ್ದೆ ಇರ್ಲಿ, ಕೊಡಿ ಒಂದ್ ನೆನಪ್ ಮಾಡಿ ತಕ ಹೊಯಿಕ್.

ಇದನ್ನು ಸಂಪದದಲ್ಲಿ ಪ್ರಕಟಿಸಿದ್ದೇನೆ, ನಿಮ್ಮ ಪ್ರೋತ್ಸಾಹಕ್ಕೆ ಧನ್ಯವಾದಗಳು.

9 comments:

Unknown said...

ಹೀಗೊಂದು ಸಂಜೆ ... ನಿಮ್ ಬೇಜಾರಿನ್ ಕತಿ ಆರೂ ಬಾರಿ ಓಳ್ಳೇದ್ ಇತ್.
ಅಲ್ಲಾ, ನೀನ್ ಮಳಿಗ್ ಎಂತಕ್ ಬಯ್ಯುದ್? ಅದ್ ನಾವ್ ಹೇಳ್ದ್ಂಗ್ ಬಪ್ಪುದಾಯ್ರೇ ನಮ್ಮನ್ ಅಡಳ್ಸುಕಾತಿದ್ದಿತಾ? ಇನ್ ಈ ಸುಟ್ಟ್ ಬೆಂಗ್ಳೂರಂಗೇ ನಾವ್ ರಸ್ತಿ ಬದ್ಯಂಗ್ ಮಳ್ಯಂಗ್ ನೆನ್ಕ್ಂಡ್ ಬಾಮಿಗ್ ಬಿದ್ದ್ ಕೋಳಿ ಮರಿ ಕಣಂಗ್ ನಿತ್ಕ್ಂಡಿಪ್ಪತಿಗೆ ಮೈಗ್ ಕೆಸ್ರ್ ನೀರ್ ಹಾರ್ಸ್ಕ್ಂಡ್ ಹ್ವಾಪರಿಗ್ ಎಂತ ಅಂಬ್ದ್? ಅಂತಾ ಗನ ಮನ್ಸ್ರ್ ಇಲ್ಲಿಪ್ಪರ್. ಈ ನಟ್ಟಿ ಗ್ಯದ್ಯಂಗ್ ಹೆಂಗ್ಸ್ರ ಮೈಗ್ ಹೋರಿಗಳ್ ಕೆಸ್ರ್ ಹಾರ್ಸ್ತೊ ಕಾಣಿ ಹಾಂಗೆ,ಹೂಡ್ತನಿಗ್ ಬಯ್ಯುಕಿತ್ತಾ? ಇನ್ ಇಲ್ಲಿ ಕೆಲವ್ ರಿಕ್ಸ್ ದರ್ ಹತ್ರ ಮಾತಾಡುದು ಒಂದೇ,ನಾಯ್ ಬಾಯ್ಗ್ ಕೋಲ್ ಹಾಕುದು ಒಂದೆ. ಈ ಬೆಂ.ಮ.ಪಾ. ಬಸ್ಸೋ ಕುರಿ ತುಂಬು ಲ್ವಾರಿ ಕಣಂಗ್. ಈಗ ಅದು ಈ ಖಲಿ ಕಾಲ್ದಂಗೇ ವರ್ಷ ಇಡೀ ಮಳಿ ಬಪ್ಪಂಗ್ ಆಯ್ತ್. ಒಟ್ಟಾರಿಮೇಲ್ ಹೇಳುದಿದ್ರೇ ನಮ್ ಜಾಗ್ರತಿ ನಾವ್ ಮಾಡ್ಕಣ್ಕೆ.

Unknown said...

super maga yest chanda madi bardidyala sap ayt

Pramod P T said...

ಆಹಾ :) ಚೆನ್ನಾಗಿದೆ. ಬರ್ಲಿ ಬರ್ಲಿ ಇನ್ನೋಂದೆರಡು ಕತೆಗಳು.

Prasad Shetty said...

@ Prasanna,
Thanks for the comments.

@ Vikky,
Thanks man..

@Pramod,
ಖಂಡಿತ, ಎಲ್ಲಿವರೆಗು ನೀವು ಓದುವವರು ಇರುವೇರೋ ಅಲ್ಲಿವರೆಗೆ ಕತೆಗಳು ಬರ್ತಾ ಇರ್ತವೆ.

jyothsna shetty said...

ye..mast like ith mareya..

Suprabha shetty said...

ohhh prasad , thumba laik aaith maraya.. kundapr kannadang odi hotti thumbi hoith.

A stupid monk said...

ಹ್ವಾಯ್.. ಬರದ್ ಒಳ್ಳೆ ಆಯ್ತೆ... ಕುಂದಾಪ್ರಿ ಬದಿ ಬಾಶಿ ಓದಿ ಖುಶ್ಯಾಯ್ತ್ ಮಾರ್ರೆ.. ಎಲ್ಲ ಸಮ, ಆರೆ, ಹೆಡ್ಡಿಂಗು ಆ ಬಾಶ್ಯಂಗೇ ಕೊಡ್ಲಕಿದ್ದಿತೇನೋ ಅನ್ಸ್ತಪ್ಪ ನಂಗೆ.. ಅಲ್ದೇ..??

Prasad Shetty said...

@Mahesh,
Thanks Mahesh for visiting and supporting.

Unknown said...

Gud 1 :)